प्रतिबन्धित लागुऔषध जस्तो देखिने पदार्थ सहित स्कुटी र मानिस नियन्त्रण :- Dpo Jhapa
..............................................................................................................................
फागुन २६, झापा ।
मिति २०७९।११।२६ गते अं.१०:३० बजेको समयमा जिल्ला झापा भद्रपुर नगरपालिका वडा नं.५ मेचीपुल स्थित प्रहरी बिट मेचीपुलबाट खटिएको प्रहरी टोली र सशस्त्र प्रहरी बलको संयुक्त टोलीले भारतबाट नेपाल तर्फ आउदै गरेको प्रदेश नं.१-०१-०१३ प.१९७३ नं.को स्कुटीलाई शंका लागि चेकजाँच गर्दा स्कुटी चालक जिल्ला ईलाम चुलाचुली गाउँपालिका वडा नं.१ बस्ने बर्ष अं.३४ की मञ्जु चापागाईको साथबाट लागुऔषध ब्राउनसुगर जस्तो देखिने खैरो लिसाईलो पदार्थ १६ ग्राम ८०० मिलिग्राम, नगद नेपाली रु.५,०७५।-, र रेडमी मोबाईल १ थान फेला परेकोले निजलाई स्कुटी, बरामद भएको लागुऔषध, नगद र मोबाईल सहित नियन्त्रणमा लिई जिल्ला प्रहरी कार्यालय झापामा राखी थप अनुसन्धान कार्य भईरहेको ।